Om data

Samhandlingsbarometeret (SB) nyttar data frå fleire kjelder: Norsk pasientregister (NPR), Kommunalt pasientregister (KPR), Folkehelseinstituttet (FHI), KOSTRA, SSB, nokre kvalitetsregister, samt fleire ved behov.

Å publisere data på kommune- og bydelsnivå er krevjande, og svært avhengig av at data er tilgjengeleg på dette nivået. Difor er det behov for at tilsette i SB er godt kjent med/er tett på datakjeldene og har god oversikt over kva data som er tilgjengelege. Dette gjer det muleg å identifisere relevante data, kunne svare ut spørsmål rundt data (særleg ved ønske om nye indikatorar), samt lage rapportar og analysar det er behov for. I analysar er det ofte bruk for supplerande data til dei som alt er publisert i SB. Vi må såleis kunne hente ut data ved behov, i tillegg til dei som trengs til løpande publisering og oppdatering (forvaltning).

Datatilgangen/oppdateringa frå kjeldene vi nyttar er ulike, og vil difor bestemme når det er mogeleg for SB oppdatere presentasjonane. For folkehelse og kvalitet vil dette ofte først skje langt ut i året etter det aktuelle. For SSB kan ein hente data noko hyppigare, og for NPR/KPR avheng det av tilgangar på desse.